Բյուրականի աստղադիտարանը (ԲԱ) ընդգրկվել է Միջազգային աստղագիտական միության (ՄԱՄ) «Նշանավոր աստղագիտական ժառանգություն» ցանկի մեջ։
ՄԱՄ C4 հանձնաժողովը՝ «Համաշխարհային ժառանգությունը և աստղագիտությունը», ներկայումս մշակում է «Նշանավոր աստղագիտական ժառանգություն» ցանկ, որը ծառայելու է ՅՈՒՆԵՍԿՕ-ի արժեքների թեկնածուներ ներկայացնելու համար։
Հայաստանի կողմից ներկայացվող ցանկը մշակվում է ԲԱ կողմից։ 2021-2024թթ․ C4 հանձնաժողովի կազմում է ԲԱ տնօրեն Արեգ Միքայելյանը։
Վերոնշյալ ցանկի համար նախատեսվում է ներկայացնել նաև հայկական հնագույն օրացույցը և ժամանակագրությունը, աստղագիտական բովանդակության հայկական ժայռապատկերները, Քարահունջ հնագույն աստղադիտարան-հուշարձանը, Մեծամորի բլրի աստղագիտական հարթակը, Անանիա Շիրակացու աստղագիտական ժառանգությունը և այլ աստղագիտական արժեքներ։
Նյութը վերցված է Բյուրականի աստղադիտարանի էջից:
